 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
І зноў ты выходзіш, на’т боль перамог.
Няма перашкоды парывам гарачым.
Ня ведаеш стомы, ня знаеш трывог
і меч барацьбы не зазнаў няўдачы.
Вачэй тваіх сьмелых цяпло не бярэ,
нат вуснамі дум я ня ў сілах разьвеяць.
Ці бачыш – як часта сьляза мая мрэ,
ня сьмеўшы апасьці з апушчаных веяў?
З-за лесу даносіцца водгульле струн.
Хтось плача ад шчасьця цудоўнаю песьняй.
Глянь! – голуб, спакойнае долі вястун,
узьняўся і зьнік у цішы паднябесься.
Ня слухаеш?
Кажаш, што маці дала
рубінавы дар з паднямонскіх крыніцаў.
а дар гэты – вернае сэрца арла,
што ў лёце змаганьня ня знае граніцаў.
1953
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
